ഓർമ മരങ്ങളുടെ വഴിയിലൂടെ - 2

ജീവിതത്തിന്റെ ഓരോ ഘട്ടങ്ങളിലും എനിക്കരികിലേക്ക് വന്ന എല്ലാ നല്ല സുഹൃത്തുക്കളെയും ഞാൻ മിക്കപോഴും ഓർക്കാറുണ്ട് . ഓരോത്തർക്കും അവരുടെതായ പ്രതേകതകൾ ഉണ്ടായിരുന്നു .  ബാല്യം മുതൽ ഉള്ള സുഹൃത്തുക്കൾ ....  അവരിൽ പലരും ഇന്നു എവിടെയാണെന്നു അറിയില്ല .... എങ്കിലും മനസിന്റെ ഒരു കോണിൽ അതതു കാലങ്ങളിലെ അവരുടെ രൂപം മനസിലുണ്ട് . പലപ്പോഴും പല സ്ഥലങ്ങളിലും ഞാൻ വെറുതെ ആ മുഖങ്ങൾ തിരയാറുണ്ട് .ഓരോ  പ്രായത്തിലും സുഹൃത്തുകളെ കുറിച്ചും ജീവിതത്തെ കുറിച്ചും ഉള്ള കാഴ്ചപ്പാടുകൾ മാറികൊണ്ടിരുന്നു . എങ്കിലും എന്റെ എല്ലാ സുഹൃത്തുക്കളും എനിക്കെന്നും പ്രിയപെട്ടവരാണ് .

ഇതോടൊപ്പം എനിക്കൊപ്പം ആറാം ക്ലാസ്സിൽ പഠിച്ച ഒരു സുഹൃത്തിനെക്കുറിച്ച്‌ പറയാതിരിക്കാൻ വയ്യ . ആ  പ്രായത്തിലെ ആ കുട്ടിയുടെ സർഗാത്മകത എന്നെ അത്യധികം അത്ഭുതപ്പെടുതിയിടുണ്ട്  . ഓരോ വിശേഷ ദിവസങ്ങളിലും എന്റെ പ്രിയപ്പെട്ട ആ കൂട്ടുകാരി എനിക്ക്  ഓരോ ആശംസാകാർഡുകൾ തരുമായിരുന്നു . അത് എല്ലാത്തിലും തന്നെ അതിമനോഹരമായി അവൾ തന്നെ ചെയ്യുന്ന കലാവിരുതുകൾ  പ്രകടമായിരുന്നു . ഇന്നത്തെ ഏതൊരു  നൂതന കാർഡുകല്ലേക്കാൾ  ഭംഗിയേറിയവ  ആയിരുന്നു അവയെല്ലാം തന്നെ . ഓരോ കാർഡും ഓരോ തരത്തില്ലുള്ളവ . നിധി പോലെ ഞാൻ സൂക്ഷിച്ച അവ ഇടക്കെപ്പോഴോ എനിക്ക്  നഷട്ടപെട്ടു . എങ്കിലും എന്റെ പ്രിയപ്പെട്ട ആ കലാകാരിയെ ഞാൻ ഇപ്പോഴും ഓർക്കരണ്ട് .


(തുടരും ... )

Tweet